我唔想再留係澳洲, 唔想再住係人地屋企, 好想快d返香港. 呢個sem到底幾時完呀!

來澳洲之前同自己講話要好好享受唯一一次係外國讀書ge sem, 感受下外國文化. 我一直都好努力咁嘗試, 但係好多野都唔到我話事. 係呢度生活我一D都唔自在, 個人成日都拉得好緊, 除左同朋友去玩之外, 冇一刻我係覺得放鬆ge. 我認輸了, 我放棄了, 當初對自己ge期望同承諾, 我唔想繼續令自己相信落去了. 沒錯, 我是失敗者, 我只求係澳洲ge一切盡快完結.

每一次我知道我ge同學係澳洲可以為一個公仔麵而開心, 為一杯珍珠奶茶而滿足, 為一個新housemate而興奮, 我真係好羨慕佢地, 甚至妒忌．點解我會咁諗？唔如意ge事人人都有，點解我會咁唔開心．．．唉！我都唔知，我唯有唔願意咁接受哂呢度ge所有，因為我冇得揀，咁樣或者可以令件事變得理所當然．

不過至少係我唔開心ge時候，我仲記得我係呢度ge開心事ge...

令我覺得失望ge主要原因係個host冇乜時間陪我, 屋入面又得兩個小朋友, 雖然係得意, 但係都冇人陪我玩. 冇人一齊同我做d我鍾意ge野, e.g.煮野食, 放狗. 其實個host唔係差ge, 佢地都做哂最基本ge野, 就係煮餐飯過我食, 平時傾計都算nice, 點解我會有不滿呢?....um....我都有諗過呢個問題, 最後發現只係我一路係度同人比較. 比較點解同學d host咁好, 我果個冇人咁好, 例如冇咩時間傾計, 上網要收錢, 冇水果食等等... 唉我真係蠢到冇人有呀, 呢個根本就係運氣問題, 冇得改變ge, 人地對你特別好唔係必然ge, 再者homestay本來就有商業成分, 咁諗來做咩呢? 係有過唔鍾意, 不過都係感覺姐, 過左就冇架啦. d問題都好易解決ge姐, 冇人陪我玩咪自己識人囉, 上網貴咪唔上囉, 冇水果食咪自己買囉, 沖涼限時咪沖快d囉. 可能咁樣先係澳洲人ge生活呢~人地D host對佢地咁好只不過係人地好彩! 呀唔係, 應該冇話好唔好彩, 係唔同experience姐.